الرئيسية / أخبار فلسطين
هدية العيد قام زوجها بطردها للشارع مع طفلتها الصغيرة
تاريخ النشر: 14/06/2018
هدية العيد  قام زوجها بطردها للشارع  مع طفلتها الصغيرة
هدية العيد قام زوجها بطردها للشارع مع طفلتها الصغيرة

 

 
هدية العيد من "زوجي" وصلتني مبكرًا أنا وطفلتي.. قرار بطردنا للشارع يوم الجمعة

قعدت خمس شهور حامل ما بعثني ولا ع اَي دكتور يتابع حملي، كنت اموت وجع كل صبح ولا ع باله، ولما اساله عن الدكتور يصير يسب ويصرخ ويقول: "كل النسوان مثل بعض"، وبعدين يحكيلي ما لقي، ليوم قررت امه تجيب بنته من البلاد معها لتعيش معنا وسافرنا وقتها ع اوهايو (كليفلاند)، هناك اخته الكبيرة بدها تعمل معروف -عارفة بخل أخوها- خايف يخسر دولار علاج الي، بعثتني ع مكان وطلعتلي تأمين ببلاش، وعملولي كل الفحوصات وما قبل الدكتور ارجع ع الولاية اللي ساكنة فيها لأنه ما في دكتور يتابع علاجي. 

المهم بعد شهر اخته حكت للدكتور انه رح يكون في دكتور بتينيسي يتابع فحوصاتي طبعا كله كذب، وطبعا ولا اتصال يسال يتطمن، 
المهم رجعت ع بيتي ولما قرب موعد ولادتي بعثني أولد بعثتله اخته مسج سماح بتولد رد عليها : اوك! 
لما ولدت طلبت ما اخد إبرة الظهر عشان أدعي لنفسي وعشان أشوف وجع أكبر من اللي وجعني ياه ابن خلف.. وثاني يوم اخته اللي بعثتله صورة البنت 
اتصل بعد ما ولدت بسااااااعاااات بحكيلي حمد لله ع السلامة والبنت كلها خدود، وانا اسال فيه عن احواله وهو زي اللي حدا جابره يتصل، المهم كانت مكالمة ما تجاوزت دقيقتين .. 

كل مرأة مرت بهاي المرحلة بتعرف كمية الوجع والحاجة لزوج يساندها خصوصًا بالغربة، كل الناس تدير بالها علي ما إله أي قيمه أمام اهتمام شريك العمر !!!

المهم وقَعَدت اكثر من شهر ونص عند أمه وهو ولا اتصال لا اطمئنان لا عليي ولا ع البنت، وان اتصل ع امه كانت تروح ع الغرفة تحكي معه او ما تبين مين معها ع اساس بدها تبين انو ابنها ما بتصل ع حدا وهاد طبع فيه بس انا مش غبية لحتى اصدق.. 
امه سالته متى جاي تأخذ سماح وليا قال مش فاضي لما اخلص الشغل مع شريكتي!! 

شاء الله إنه أمرض بعد ولادتي بأسبوعين وانتظرت ساعة لحتى اجت اخته تأخذني ع المشفى لنشوف شو صاير معي، وقتها عملولي عملية "إزالة مرارة" قبل العملية حكيت لاخته خبرتيه بتحكيلي اه وزي اللي ما بدها تجاوبني.. 
صحيت من العملية بحكيلها مروان بعرف؟! 
حكتلي اسمعي اعملي اللي بدك ياه هاد واحد مش طبيعي... 
وال انا شو عملت لمروان ولعيلته انا ما أذيت حدا لحتى يعيشني كل هالعذاب؟!
بدّي أعرف شو جريمتي؟! 
ع شو بتعاقب؟! 
ع سكوتي ع تقبلي لكل ظروفه؟! 

بعداسبوعين إجى ياخدني، طبعا ولا كآنه بعرفني، روحنا نطارد عشان شهادة ميلاد بنتي اللي ما أشعروني إنه فيها خلل
عرفت بمحض صدفة من والدته لما عمل مشكلة بدون سبب لحتى يروحني ع البلاد وقتها اهله منعوه لأنه شهادة ميلاد البنت مش كاملة لازم اسم ابوها ينحط بالكامل 
طلعت أخته حاكية للمستشفى اني صديقة زوجي مش مرته عشان تطلعلي تأمين ببلاش. 

إن شاء الله بعدم بنتي إن زدت بحرف، لسة اللي صار معي أكبر من هيك وأنا بدّي اتحمل نتيجة اختياري الخاطئ وبدي اقلع شوكي بايدي. 

حاليا بطحاني من الدار انا وبنتي بدو ينقل ع دار ثانية، وما بدو يطلق الا لما ارجع ع البلاد هاد شرطه هو واهله. 
أنا مش لعبة بأيدكم لحتى تجيبوني وتروحوني كيف ما بدكم. 

شاركو المنشور لأهل البيرة مش انتقاصا منهم في ناس محترمين بس عشان يسمعوا القصة من طرفي ويفهموا شو بقصد لما ما يحط اسمه بشهادة ميلاد البنت باميركا.. 

على كل حال كان مفهم اهله إنه تعديل شهادة ميلاد ليا أتطلب منه يعين محامي هيك خبرني أخوه، وبمساعدة مترجمة اتصلت ع المشفى وطلع سهل جدا يتعدل بس مجرد توقيع.. واشترط إنه مقابل يوقع الورقة لازم اوقعله ورقة عند محاميه بخصوص القضية اللي بينا بالمحكمة. 

بدّي أقول لدار خلف: إلي خطيِّة.. 
حسبي الله ونعم الوكيل بكل ظالم وكل مين بشد ع ايده
المصدر :
Samah F
أضف تعليق
تغيير الصورة
تعليقات الزوار
1
D، F
https://www.facebook.com/Panorama.Nablus/posts/1719467214819127

الأكثر تفاعلاً
العاهل الأردنيّ يُطيّر “كوهين الأردن” من منصبه .. ما قصّته وعلاقته ...
17/11/2018
الرئيس أقاله.. قائد شرطة الخليل الفلسطيني يصلح جيبا إسرائيليا..
15/11/2018
3 سيناريوهات محتملة وراء عملية خانيونس التي قالت “إسرائيل” إن تفاصيلها ...
13/11/2018
محافظ الخليل يُصدر بياناً حول حادثة الجيب الإسرائيلي
15/11/2018
الكشف عن جريمة مقتل ناشطة نسوية على يد زوجها ..تفاصيل
13/11/2018
توقعات عام 2019 لكل برج من الأبراج.. من هو صاحب الحظ ...
17/11/2018
الراصد : منخفض قادم والاجواء ماطرة حتى الجمعة
13/11/2018
الامن الاردني يكشف مخطط خبيث قام به مدير مؤسسة "مؤمنون بلا ...
16/11/2018
نبوءة الـ 12 دقيقة.. إسرائيل تحضّر لحرب نهاية العالم
16/11/2018
ما هو العمر الذي تكون فيه المرأة "أكثر خصوبة"؟
16/11/2018
عملية خانيونس : الجنود كان يرتدون ملابس نسائية
12/11/2018
ايران تعدم الرجل الذي يملك ذهبا أكبر من احتياطي بعض الدول
15/11/2018
أسرى إسرائيليين في سوريا ؟
15/11/2018
مليونيرة شابة تعرض راتبا خيالياً لمن يواعدها
13/11/2018