خرجت الفنانة اللبنانية ميريام فارس، عن صمتها، بعد الأنباء التي انتشرت عن اصابتها بمرض سرطان الدم، وأن حالتها حرجة.
وبلهجة لبنانية، كتبت فارس على حسابها الرسميّ في تويتر: “ترددت كتير قبل ما إحكي، لأن ولا مرة حبيت إنو تكون تفاصيل حياتي الخاصة، بالتحديد اللي بتزعل مستباحة للعلن. بس محبتكن وكسرة أهلي جبرتني إطلع عن صمتي”.
وشكرت فارس “كل الناس اللي سألت عني واتطمنت على صحتي، ولكل يللي عم يدعولي بالشفاء ويصلولي، بقلن أنا كمان بحبكن وأنا محظوظة فيكن كتير. سبق وصرحت إني بحاجة لشوية وقت لأتعافى وإرجعلكن ميريام القوية اللي بتعرفوها”.
وأضافت: “صحيح إني عم بقطع بحالة صحية دقيقة وحرجة، بس مش كل مصيبة إسمها سرطان. أنا ما معي سرطان. كفى متاجرة بصحة الناس. بشكركن كلكن وبتمنى الشفاء لكل مريض”.